今晚德甲繼續開快車，擂台躉拜仁慕尼黑將會作客撼科隆；拜仁上場狂入8粒，殺聲震天，以哈利卡尼、路易斯迪亞斯、米高奧利斯為首嘅鋒線，入波助攻冇停過，經常以攻代守，初段例搶攻，一於捧1.5球半場大博早啲收錢。（Now 639周四凌晨3時30分直播）
今季德甲只係踢咗16輪，拜仁排榜首唔意外，但未計今輪，已經甩開次席多蒙特11分，「拜超」唔係浪得虛名。主帥高柏尼嗰種高位逼搶打法，等閒球隊根本擋唔住，好似上仗一度被禾夫斯堡追和，但最終談笑用兵下仍狂數8比1。
科隆場場有失波
齋計哈利卡尼、路易斯迪亞斯、米高奧利斯3人喺聯賽合共就入咗38粒，比起任何1支德甲球隊開咧至今聯賽總入球仲要多，你話見到佢哋唔腳軟就假。
何況對手科隆連續7場聯賽未贏過，當中輸咗4場，而且場場有失波，點可能頂得住拜仁嘅狂轟猛炸呢？加上拜仁最鍾意一開波即搶攻，近8場聯賽有7次半場開2球或以上，加上嚟緊周末要鬥前列分子ＲＢ萊比錫，梗係想早早鎖定勝局，可以提早作輪換，1.5球半場大不容錯過。
